Ishkay ,ishkay wanki ashkawna chi ishki wawki ajka payguna puringawa rik ashkawna ña puriwsha, ishkay purullata payguna ña tiak ashkawna ishki wawkilla. Ishki wawkilla ashaga payga puringa rigashka, puringa risha, ña shamusha aychata wanchisha, shamusha payguna yanusha, mikusha asuwata upisha. Ña payguna imata chagraybi tarpunga riwsha pariju riawshakana wawkindi. Ña chasna purik ashkawna ña kanoatas rawshas ishkandi kanoatas rak ashkawna. Chasna ishkandi ña maytas ña ishkandilla mana ichunuk ashkawna wawki pura. Chasnay shuk kutimbi. Payga rishka ña puringawa rishkay wanganata tupash kawna, kita wanganta wanganata tupasha wawki nishka. Kanga kayta kalpakta katinakungui nisha, ñuka kayta kalpakta katina kungarawni nisha. Ñuka mana kayagama rikurimukpiga, ñukanchi wanganata kallpa nakungawa kallarishka pugruybimi ñukaga kanda kaparishkangui nishka. Chiga ari nishka wawki pay chasna nisha kayta, kayta, wangana chi kita wangana kallpagak kallarikpi. katilla kunna kallarishkawna katina kushkawa shuka wanchishka, wanchishaga wasita shamushka. Wawkiga mana rikurishka kipa wawkiga rukulla wasima paktamusha, ñuka wawkiga maybi rishata mana, mana apikrishka mana wanchishkanga nisha pay chapawshka. Chapawpi mana rikurishka paylla sumak yañushka mikushka wawkita chapapy mana rikurishka, mana paktamushka. Mana pay wanganta kantinga rashkay ñukata rimawarami, ñuka mana paktamukpiga. Chi wanganata ñukanchi katina kushka yaku wawa pugruybimi ñuka kanda kapariwshkangui nirani ima shina akta ñuka wawki kasna rimara. Nishaga rishka Chi risha paktasha uyawpi saw, saw, saw! saw, saw, saw! Chi uyariwshka, chiga mana nishkaya kunanga ñuka wawkiga kayga saw, saw, pishkumi tukushka nishka wanganata katinakuk. Panshkami chasnasha chasna tukushka nishka chivi pay ña pishku tukushka zaw, zaw, pishku chiraygu. Wangana pishku nigaranchi zaw, zaw pishkutaga, wangana ashka shamunaybimi chi kantan nin. Pay chi wanganata katinagu asha ashka shamunga rawpi ñawpata musiachin nigara ñuka yaya. Ah! chi pay runamanda tukuj asha, zaw, zaw pishku chasna kwintak anuka ¿Imarasha zaw,zaw pishku tukuka pay? Pandashka ña chi mana maytas rinata ushasha pay ña pishku tukushka mana wasima paktawnta ushasha. Chasna kwintaganun.